მედია

ახალი ამბები

ზურაბ ჯაფარიძე ერთიანი ნაციონალური მოძრაობის სახელით ახალი ინიციატვით გამოდის

საპარლამენტო უმცირესობის წევრმა, ზურაბ ჯაფარიძემ დღეს პარტიის ცენტრალურ ოფისში ბრიფინგი გამართა, სადაც მან პრეზიდენტის მიერ  ინიცირებული ეკონომიკური ამნისტიის პროექტის მნიშვნელობაზე გაამახვილა ყურადღება და კიდევ ერთხელ განმარტა, თუ რის გამო არ დაუჭირა მხარი ამ კანონპროექტს უმრავლესობამ. როგორც საპარლამენტო უმცირესობის წევრმა  განაცხადა, "ერთიანი ნაციონალური მოძრაობა" ფინანსური ამნისტიისა და ეკონომიკური დანაშაულის დეკრიმინალიზაციის შესახებ კანონპროექტში კორექტივების შეტანასა და პარლამენტში მის ხელახალ ინიცირებას  აპირებს. ზურაბ ჯაფარიძის განმარტებით, უმრავლესობამ ამ კანონპროექტს მხარი არ დაუჭირა, ერთი მხრივ, იმიტომ, რომ მისი ავტორი მიხეილ სააკაშვილი იყო, ხოლო მეორე მხრივ, თითქოს  ეს ინიციატივა ყოფილი ხელისუფლებისადმი ლოიალურად განწყობილი ბიზნესმენებისთვის დავალიანებების ჩამოწერასა და მათთვის შესაძლო ეკონომიკური დანაშაულის პატიებას ისახავდა მიზნად. მისი თქმით, ერთ–ერთი შესწორება შეტანილი იქნება სწორედ იმის თაობაზე, რომ ახალი ინიციატივა მსხვილ ბიზნესმენებს არ შეეხებათ. „ახალ ინიციატივაში ჩვენ გამოვრიცხავთ ყველა მსხვილ ბიზნესმენს. შეიძლება შემოვიღოთ, გარკვეული ზღვარი, მაგალითად, როგორია კომპანიის ბრუნვა და ყველა ის კომპანია, რომლის ბრუნვაც არის, ვთქვათ, მილიონზე ნაკლები დაექვემდებარება ამნისტიას“, – აღნიშნა ზურაბ ჯაფარიძემ. შეგახსენებთ, რომ პარლამენტმა 7 მარტს პირველი მოსმენით კენჭისყრის დროს ჩააგდო პრეზიდენტის მიერ ინიცირებული ეკონომიკური ამნისტიის პროექტი.      

გიორგი კანდელაკი ბრიუსელში განვითარებულ მოვლენებს ეხმაურება

საპარლამენტო უმცირესობის წევრმა, გიორგი კანდელაკმა დღეს პარტიის ცენტრალურ ოფისში ბრიფინგი გამართა, სადაც იგი ბრიუსელში განვითარებულ მოვლენებს გამოეხმაურა. მისი თქმით, "ისტორიაში პირველად ევროპარლამენტისა და საქართველოს პარლამენტის ერთობლივი საპარლამენტთაშორისო კომიტეტის რეკომენდაციების მიღება ვერ მოხერხდა; ვერ მოხერხდა უმრავლესობის წარმომადგენლების უაღრესად ხისტი, მოუქნელი და მკვახე პოზიციის გამო, ევროპარლამენტთან მიმართებით". შეგახსენებთ, რომ მიმდინარე წლის 26 თებერვალს საპარლამენტო უმცირესობის წევრი ბრიუსელში ევროკავშირი-საქართველოს საპარლამენტო თანამშრომლობის კომიტეტის XIV სხდომაზე იმყოფებოდა.  

Pages