ენმ-მ პარტიის აღმასრულებელი მდივანი აირჩია

უკანასკნელი სიახლეები

სალომე სამადაშვილი ქართულ მედიაში გამოყენებულ რუსულ პროპაგანდისტულ მეთოდებზე

„ერთიანი ნაციონალური მოძრაობის“ ერთ-ერთი ლიდერი სალომე სამადაშვილი ტელეკომპანია „იმედის“ ეთერში გასულ სიუჟეტს გამოეხმაურა, რომელშიც რუსული პროპაგანდისტული მეთოდები იყო გამოყენებული და ყველა პოლიტიკურ პარტიას, საზოგადოებრივ მოძრაობას და მოქალაქეს მოუწოდა მოვიდეს 20 სექტემბერს, 19:00 საათზე საქართველოს პარლამენტთან და ხმამაღლა განაცხადოს საკუთარი პროტესტი რუსული ხელისუფლების წინააღმდეგ.„მინდა გამოვეხმაურო ტელეკომპანია „იმედის“ ეთერში გასულ მასალას, სადაც რუსული პროპაგანდისტული მეთოდები იყო გამოყენებული და რომლითაც ამერიკის შეერთებული შტატების ეროვნულ გმირს, აწ გარდაცვლილ სენატორ მაკკეინს დაესხმა თავს. ასევე, მაკკეინის ინსტიტუტის ხელმძღვანელობას და სხვა ყოფილ თუ მოქმედ დიპლომატებს, რომლებიც დღემდე აქტიურად იცავენ ჩვენს ინტერესებს.მინდა ხაზგასმით ავღნიშნო, რომ ყველა იმ ადამიანს, რომელიც „იმედის“ მხრიდან გახდა თავდასხმის ობიექტი, ხშირად თავს ესხმიან რუსული ნტვ, რაშა თუდეი და სხვები. რა აერთიანებს დანიელ ფრიდს, კურტ ვოკერს, დავით კრამერს, მეთიუ ბრაიზას და სხვა ადამიანებს? ისინი არიან პირები, რომლებიც ყველა ადმიანისტრაციის პირობებში მხარს უჭერენ ჩვენი ქვეყნის რაც შეიძლება სწრაფად გაწევრიანებას ნატო-ში, გამოირჩევიან სრულიად უკომპრომისო პოზიციით რუსეთის მიერ ჩვენი ქვეყნის ტერიტორიების ოკუპაციასთან დაკავშირებით და რუსეთის მიერ 2008 წელს საქართველოს მიმართ განხორციელებულ აგრესიაზე.სწორედ ამიტომ არიან ისინი რუსული პროპაგანდისტული საშუალებებისთვის სამიზნე. თუმცა, მათ ახლა დაემატა ქართული ერთ-ერთი ძირითადი ტელეარხი „იმედი“, რომელიც სიტყვა-სიტყვით იმეორებს რუსულ პროპაგანდისტულ გზავნილებს. ტელეიმედი საკუთარი სიუჟეტით თავს ესხმის არა რომელიმე ამერიკელ დიპლომატს, ის თავს ესხმის ჩვენს ევროატლანტიკურ მომავალს და ეს ხდება იმ ფონზე, როცა დამოუკიდებელი საქართველოს ისტორიაში თუ არ ვცდები პირველად, გუშინ ვიხილეთ აშშ-ის საელჩოსთან მრავალრიცხოვანი მიტინგი, რომელიც „ქართული ოცნების“ სატელიტმა „პატრიოტთა ალიანსმა“ გამართა.სწორედ ამიტომ, იმისთვის, რომ დავიცვათ ჩვენი არჩევანი გახდეს ქვეყანა ევროატლანტიკური სივრცის ნაწილი და ნატო-ს წევრი, მოვუწოდებთ, ყველა პოლიტიკურ პარტიას, საზოგადოებრივ მოძრაობას და მოქალაქეს, მოვიდეს 20 სექტემბერს, 19:00 საათზე საქართველოს პარლამენტთან და ხმამაღლა განაცხადოს საკუთარი პროტესტი რუსული ხელისუფლების წინააღმდეგ, რომელიც ამ ქვეყანას დაეპატრონა და საკუთარი მედიასაშუალებებით ცდილობს გზა-კვალი აუბნიოს საქართველოს მოქალაქეებს“,- განაცხადა სამადაშვილმა.

ენმ-ის ლიდერები ბერლინში შეხვედრებს მართავენ

გაერთიანებული ოპოზიციის ლიდერები გრიგოლ ვაშაძე, გიორგი ვაშაძე და თინა ბოკუჩავა ბერლინში ოფიციალურ შეხვედრებს მართავენ. შეხვედრის ფარგლებში ძალა ერთობაშიას ლიდერები გერმანიის ქრისტიან დემოკრატიული კავშირის გენერალურ მდივანს, ბუნდესტაგის წევრ პოლ ზიემაკს და პარტიის საერთაშორისო ოფისის დირექტორ ბერტილ ვენგურს შეხვდნენ. განხილვის მთავარი თემა ქვეყნის რეგიონალური მდგომარეობა და უპირველს ყოვლისა საქართველოს სახელმწიფოებრივი უსაფრთხოება იყო. ასევე, 2020 წლის საპარლამენტო არჩევნები და ის დახმარება, რომელსაც ქრისტიან დემოკრატიული კავშირი ენმ-სა და გაერთიანებულ ოპოზიციას გაუწევს.ასევე, ჩვენი მოკავშირე გერმანული პარტიის ეკონომიკური ექსპერტების მონაწილეობას პროგრამის განხილვაში და აქტუალიზაციაში.

ენმ-ის ლიდერები აშშ-ის სახელმწიფო მდივნის მოადგილეს შეხვდნენ

გაერთიანებული ოპოზიციის "ძალა ერთობაშია" ლიდერები სალომე სამადაშვილი, თინა ბოკუჩავა და გიორგი ვაშაძე ამერიკის შეერთებული შტატების სახელმწიფო მდივნის მოადგილეს ფილიპ რიკერს შეხვდნენ.შეხვედრაზე საქართველოში დემოკრატიის გამოწვევებზე, საკონსტიტუციო და საარჩევნო სისტემის ცვლილებებზე, პოლიტიკური ნიშნით შერჩევითი მართლმსაჯულების პრობლემაზე, მომავალ 2020 წლის არჩევნებზე და ქვეყანაში რუსეთის გავლენის გაზრდაზე ისაუბრეს.