პრო-დასავლური ოპოზიციური პარტიების პოზიცია საქართველო-რუსეთის ურთიერთობებთან დაკავშირებით პრემიერის განცხადებაზე

ხელმომწერი პარტიები მივიჩნევთ, რომ საქართველოს პრემიერ მინისტრის 11 მარტის განცხადება საქართველო-რუსეთის ურთიერთობებთან დაკავშირებით საფრთხის ქვეშ აყენებს საქართველოს ეროვნულ ინტერესებს და მნიშვნელოვნად ასუსტებს ჩვენს ქვეყანას რუსეთის ფედერაციასთან მიმართებაში, როგორც ჟენევის საერთაშორისო მოლაპარაკებების ფარგლებში, ისე საერთაშორისო ასპარეზზე ქვეყნის ინტერესების დაცვის კუთხით.  ეს განცხადება არის ქართული ოცნების და ქვეყნის არაფორმალური მმართველის, ბიძინა ივანიშვილის, საზიანო საგარეო პოლიტიკის მორიგი გამოვლინება. სხვა სახიფათო გზავნილთან ერთად, საქართველოს პრემიერ-მინისტრი საკუთარ განცხადებაში მზაობას აცხადებს პირდაპირი დიალოგი აწარმოოს აფხაზეთისა და ცხინვალის საოკუპაციო რეჟიმების წარმომადგენლებათან, რაც ეწინააღმდეგება საქართველოს დეოკუპაციის პოლიტიკის ერთ-ერთ მთავარ ამოცანას, რომ ერთადერთ მხარედ არსებულ კონფლიქტში აღიარებულ იქნას რუსეთის ფედერაცია. ეს გზავნილი ასევე ასუსტებს ჟენევის მოლაპარაკებების ფორმატს და საფრთხეს უქმნის ქართული დიპლომატიის მრავალწიან მონაპოვარს, რის შედეგადაც საერთაშორისო საზოგადოება ერთსულოვანია რუსეთის ფედერაციის როლის შეფასებაში და აღიარებს მას, როგორც ოკუპანტ სახელმწიფოს და კონფლიქტის მხარეს. ეს განცხადება ხელს უხსნის რუსეთის ფედერაციას მოახდინოს ამ საერთაშორისო კონსენსუსის რევიზია. ჩვენთვის შემაშფოთებელია, რომ პრემიერ-მინისტრის განცხადება და ქართული ოცნების სხვა წარმომადგენლების რიტორიკა ეხმარება რუსეთის ფედერაციის მცდელობებს, რომ საქართველოსა დანაწევრების ლეგიტიმაციის მიზნით, კვლავ მოირგოს მედიატორის მანტია, რაც საბოლოოდ დაგვაშორებს  დეოკუპაციის პერსპექტივას და შეამცირებს ევრო-ატლანტიკური ინტეგრაციის შანსებს.ბოლო წლების მანძილზე საქართველოში მნიშვნელოვნად მომძლავრდა რუსული პროპაგანდის გავლენა, რომელიც ანტი-დასავლური სენტიმენტების გაღვივებასთან ერთად, მიზნად ისახავს რუსეთის აგრესიასთან დაკავშირებული ფაქტების რევიზიას და აფხაზეთის და ცხინვალის რეგიონის დამოუკიდებლობის აღიარების ლეგიტიმაციას 2008 წლის აგვისტოს ომში ქართული სახელმწიფოს დადანაშაულებით, განსაკუთრებით შემაშფოთებელია ასეთი ტიპის განცხადება ქვეყნის უმაღლესი თანამდებობის პირის მხრიდან.მივმართავთ ხელისუფლებას:პრო-დასავლური ოპოზიციური პარტიების მონაწილეობით შეიქმნას სპეციალური ფორმატი, რომლის ფარგლებში ჟენევის საერთაშორისო მოლაპარაკებების ყოველი რაუნდის წინ და შემდეგ შედგება სახელმწიფო წარმომადგენლების მოსმენა გაფართოებულ, ან დახურულ ფორმატში;მარტის თვის განმავლობაში პრემიერ-მინისტრი მოვიდეს პარლამენტში დე-ოკუპაციის პოლიტიკაზე და რუსეთთან ურთიერთობებზე პოლიტიკურ დებატებში მონაწილეობის მისაღებად;დროულად მიიღოს საქართველოს პარლამენტის რეზოლუცია რუსეთის ფედერაციის მიერ ოკუპირებულ აფხაზეთსა და ცხინვალის რეგიონში ადამიანის უფლებების უხეში დარღვევისა და ოთხოზორია-ტატუნაშვილის სიის შექმნის შესახებ;ევროკავშირის სადამკვირვებლო მისიასთან კოორდინაციაში გააძლიეროს საქართველოს შინაგან საქმეთა სამინისტროს და სახლემწიფო უსაფრთხოების სამსახურის შესაბამისი ქვედანაყოფების აქტიურობა ოკუპაციის ხაზის მიმდებარე ტერიტორიაზე.  ახალი მემარჯვენეები ახალი საქართველო ევროპული დემოკრატები ევროპული საქართველო - მოძრაობა თავისუფლებისთვის ერთიანი ნაციონალური მოძრაობა ეროვნულ-დემოკრატიული პარტია თავისუფალი დემოკრატები თავისუფლება ლეიბორისტული პარტია მოძრაობა სახელმწიფო ხალხისთვის რესპუბლიკური პარტია სამოქალაქო ალიანსი თავისუფლებისთვის  

პრემიერმა თავისი განცხადებით რუსეთი ყოველგვარი სამართლებრივი და პოლიტიკური პასუხისმგებლობისგან გაათავისუფლა

„განცხადებებით, რომელიც პრემიერმა კვირიკაშვილმა, შემდეგ კი რუსეთის საგარეო საქმეთა სამინისტრომ გააკეთეს, დაიწყო ის პროცესი, რომელიც  აფხაზეთისა და ოსეთის არ აღიარების პოლიტიკის არქიტექტურას ჩამოარღვევს, გაათავისუფლებს რუსეთს ყოველგვარი პასუხისმგებლობისგან ოკუპაციისა და ანექსიის პროცესზე, ომის დროს და ომის შემდეგ ჩვენს ტერიტორიაზე ჩადენილ დანაშაულზე“ - აღნიშნულის შესახებ დღეს გამართულ ბრიფინგზე საპარლამენტო ფრაქცია ერთიანი ნაციონალური მოძრაობის წარმომადგენელმა სალომე სამადაშვილმა ისაუბრა. „მსურს გამოვეხმაურო გუშინ, რუსეთის საგარეო საქმეთა სამინისტროს მიერ გაკეთებულ განცხადებას, რომელშიც რუსეთის ფედერაციამ, ფაქტიურად, მადლობა გადაუხადა ჩვენი სახელმწიფოს პრემიერ-მინისტრს, ბატონ გიორგი კვირიკაშვილს. რუსეთის საგარეო უწყების განცხადების დამცინავი მადლობა, სწორი პასუხია პრემიერი კვირიკაშვილის განცხადებაზე, რადგან ამ ქვეყნის საგარეო უწყებამ, განსხვავებით საქართველოს პრემიერ-მინისტრისაგან, იცის საკუთარი სახელმწიფოს ინტერესების დაცვა. პრემიერ კვირიკაშვილის მიერ რამდენიმე დღის წინა გაკეთებული განცხადება კი, სწორედ ამ ინტერესების დასაცავად არის მნიშნვნელოვანი რუსეთისათვის. საქართველოს პრემიერმა დაადასტურა, ის, რის დამტკიცებასაც ცდილობს რუსეთი, რომ ეს სახელმწიფო არ გახლავთ კონფლიქტის მხარე აფხაზეთსა და სამხრეთ ოსეთში.კონფქლიტის რეალური მხარე, დე-ფაქტო ხელისუფლება და საქართველოა, რუსეთი კი, კონფლიქტში მხოლოდ შუამავლის და მშვიდობისმყოფელის როლს ასრულებს.პრემიერის განცხადებამ, რუსეთს შესაძლებლობა მისცა, კიდევ ერთხელ განეცხადებინა, რომ ეთნიკურ-ტერიტორიული კონფლიქტები საქართველოში  რუსეთ-საქართველოს ორმხრივი ურთიერთობების ჩარჩოს ცდება.საკუთარი განცხადებით, პრემიერმა რუსეთი გაათავისუფლა ვალდებულებისაგან, საკუთარ თავზე აიღოს ძალის არ გამოყენების ვალდებულება, რომელიც საქართველომ რამდენჯერმე, ბოლოს კი 2010 წელს აიღო, რამდენადაც დაადასტურა, რომ რუსეთი არ წარმოადგენს კონფქლიქტის მხარეს. ფაქტიურად დაიწყო ის პროცესი, რომელიც ჩამოარღვევს აფხაზეთისა და ოსეთის არ აღიარების პოლიტიკის არქიტექტურას, გაათავისუფლებს რუსეთს ყოველგვარი პასუხისმგებლობისგან ოკუპაციის და ანექსიის პროცესზე, ომის დროს და ომის შემდეგ ჩვენს ტერიტორიაზე ჩადენილ დანაშაულზე.ჩემთვის პირადად გაუგებარი ხდება, რა სტატუსით შეეცდება რუსეთი გააგრძელოს მონაწილეობა ჟენევის მოლაპარაკებებში, რომელიც ერთ-ერთი მთავარი ღირებულება სწორედ ის იყო, რომ ამ მოლაპარაკებების ფარგლებში რუსეთი, ფაქტიურად პირველად კოფლიქტის ისტორიაში, აღიარებულია კონფლიქტის მხარედ.საკუთარი განცხადებით, პრემიერმა კვირიკაშვილმა უზარამაზარი დარტყმა მიაყენა ქვეყნის სასიცოცხლო ინტერესებს და ერთი ხელის მოსმით გაანადგურა ქართველი დიპლომატების და პოლიტიკოსების მრავალწლიანი მცდელობა:1.საერთაშორისო თანამეგორბობას ეღიარებინა რუსეთი, როგორც კონფლიქტის მხარე და საოკუპაციო რეჟიმი;2. შეექმნა მყარო სამართლებრივი გარანტიები ოკუპირებული ტერიტორეიბის არაღიარებისათვის;3. მოეხდიან სამშვიდობო ფორმატების ინტერნაციონალიზაცია;4. გაეძლიერებინა რუსეთზე საერთაშორიოს ზეწოლა, მის მიერ ჯერ კიდევ 90-იან წლებში და შემდგომ, 2008 წელს აღებული ვალდებულებების შესასრულებლად. პრემიერის განცხადება, საფრთხეს უქმნის იმ უსაფრთხოების და უშიშროების, საერთაშორისო მოლაპარაკებების არქიტექტურას, რომელიც შეიქმნა 2008 წლის ომის დასრულებისას. მსგავსი განცხადებების შედეგად, საქართველო შესაძლოა კვლავ მარტო დარჩეს რუსეთის აგრესიის პირისპირ. მსგავსი განცხადება, ასევე ართმევს შანსს ჩვენს აფხაზ და ოს თანამოქალაქეებს, გათავისუფლდნენ ოკუპაციის რეჟიმიდან, რომელიც დღეს, პირველ რიგში, მათ ართმევს ღირსეული ცხოვრების და განვითარების შანსს.“

ენმ: კვირიკაშვილმა ბოდიში უნდა მოუხადოს ქართველ ხალხს და დატოვოს თანამდებობა

საქართველოს პრემიერ-მინისტრის გუშინდელი განცხადება კრიტიკული ნიშნულია ჩვენი ქვეყნის ისტორიაში. საგანგაშოა როგორც ამ განცხადების შინაარსი, ასევე მისი გავრცელების დრო:ნაცვლად იმისა, აღიაროს მაამებლობისა და თავის დახრის 6-წლიანი პოლიტიკის სრული კრახი და ახლა მაინც გადადგას ნაბიჯები ჩვენი სახელმწიფოსა და მოქალაქეების დასაცავად;ნაცვლად იმისა, გააცნობიეროს, რომ საერთაშორისო დღის წესრიგიდან საქართველოს საკითხის გაქრობის პოლიტიკა იყო უმძიმესი დანაშაული და ახლა მაინც გაუსწოროს თვალი რეალობას;ხელისუფლება რუსეთს ახალ, კაპიტულანტურ დათმობებს სთავაზობს. საუბარია ოკუპანტის სტატუსის მოხსნაზე და შუამავლის სტატუსის მინიჭებაზე, რაც ოკუპირებული რეგიონების დამოუკიდებლობის აღიარების ტოლფასია.ასეთი განცხადებები წარმოადგენს რუსეთის აგრესიული პოლიტიკის წახალისებას ქართული სახელმწიფოებრიობის ხარჯზე. პრემიერი საუბრობს გაურკვეველ „ტრაგიკულ მოვლენებზე“ - თითქოს ეს მოვლენები თავისით და არა ოკუპანტის ნებით ხდება, რომელსაც უკვე 6 წელია უსიტყვოდ ემორჩილება „ოცნების“ ხელისუფლება. პრემიერი საუბრობს იმაზე, თითქოს „ვერ ხერხდება“ არჩილ ტატუნაშვილის ცხედრის გადმოცემა, რაც თავის მოტყუება და ჭირისუფლის შეურაცხყოფაა. რჩება შთაბეჭდილება, რომ საქართველო ოკუპანტის კეთილ ნებაზეა დამოკიდებული, რაც საბედნიეროდ ასე არ არის.ორმაგად დამამცირებელია, რომ რუსეთი არათუ სერიოზული პასუხის ღირსად არ მიიჩნევს საქართველოს პრემიერ-მინისტრს, არამედ თავისი მარიონეტების პირით დასცინის მას და მთლიანად საქართველოს.დღეს ყველა ჯანსაღი პოლიტიკური ძალა თანხმდება, რომ ოცნების ანტისახელმწიფოებრივმა პოლიტიკამ სრული ფიასკო განიცადა. მიგვაჩნია, რომ:1.     კვირიკაშვილის განცხადება ნერგავს უმწეობისა და უიმედობის განცდას, რაც დანაშაულია ქართული სახელმწიფოს წინაშე და წინაპირობაა ეკონომიკური და დემოგრაფიული კატასტროფისა. რუსეთისათვის შუამავლის სტატუსის შეთავაზება ღალატის ტოლფასია. ამ განცხადების გამო კვირიკაშვილმა ბოდიში უნდა მოუხადოს ქართველ ხალხს და დატოვოს პრემიერ-მინისტრის პოსტი.2.     საქართველოს ყავს მებრძოლები, რომლებიც წლების მანძილზე იცავდნენ ჩვენს მოსახლეობას და შიშის ზარს სცემდნენ ოკუპირებულ ტერიტორიებზე მოთარეშე მკვლელებს. ივანიშვილის რეჟიმს ეს მებრძოლები ციხეში ყავს გამოკეტილი. ეს ადამიანები დაუყოვნებლივ უნდა გათავისუფლდნენ, ხოლო სახელმწიფომ ყველაფერი უნდა გააკეთოს იმისთვის, რომ გიგა ოთხოზორიას და არჩილ ტატუნაშვილის მკვლელები წარდგნენ მართლმსაჯულების წინაშე.საქართველო არ დანებდება უიმედობას და აუცილებლად დაამარცხებს რუსულ ბოროტებას, რომლის მთავარი მოკავშირე დღეს ხელისუფლებაშია მოკალათებული.

მედიაზე განხორციელებული ზეწოლის გამო, ენმ ქუმსიშვილისა და ჯეჯელავას მიმართ სისხლის სამართლებრივი დევნის დაწყებას მოითხოვს

მედიაზე განხორციელებული ზეწოლისა და ზოგადად, საქართველოში დემოკრატიული ინსტიტუტების დასუსტების გამო, რასაც აშშ-ის სადაზვერვო სააგენტოს მიერ გამოქვეყნებული დასკვნაც მოწმობს, ერთიანი ნაციონალური მოძრაობა ვიცე-პრემიერ დიმიტრი ქუმსიშვილის გადადგომასა და მისი და ალექსანდრე ჯეჯელავას მიმართ სისხლის სამართლებრივი დევნის დაწყებას მოითხოვს.როგორც დღეს გამართულ ბრიფინგზე ხატია დეკანოიძემ განაცხადა, ამ მოთხოვნით პარტი საქართველოს გენერალურ პროკურატურასაც მიმართავს. „მინდა გამოვეხმაურო ბოლო პერიოდში განვითარებულ ძალიან სახიფათო მოვლენას, რომელიც  ხელისუფლების მხრიდან მედიაპლურალიზმსა და კრიტიკულ აზრზე თავდასხმას უკავშირდება.  ვგულისხმობ  ტელეკომპანია პირველის მფლობელზე სახელმწიფოს მხრიდან განხორციელებულ რეკეტს, რომელსაც საქართველოს ვიცე-პრემიერი, ფინანსთა მინისტრი დიმიტრი ქუმსიშვილი და განათლებისა და მეცნიერების ყოფილი მინისტრი ალექსანდრე ჯეჯელავა ახორციელებენ. ისინი არიან ივანიშვილის პირადი რეიდერები. ეს ადმაინები ტელეკომპანიის მფლობელს აძალებდნენ, რომ  წილი სხვისთვის დაეთმო, რომელიც ამ ტელევიზიის სარედაქციო პოლიტიკის შეცვლას გამოიწვევდა. ეს  პირველი შემთხვევა არაა, როცა საქართველოს ხელისუფლება მედიისა და ბიზნესის მიმართ ღია რეკეტს ახორციელებს - ჩვენ კარგად გვახსოვს „რუსთავი 2“- ის საქმე, როცა პოლიტიკური გადაწყვეტილება სტრასბურგის სასამართლომ შეაჩერა; ვხედავთ საზოგადოებრივი მაუწყებლის გარშემო განვითარებულ მოვლენებს - მაღლაფერიძემ ის ივანიშვილის პირად ტელევიზიად გადააქცია; გვახსოვს „იმედის“, „მაესტროსა“ და „ჯიდიესის“ კონგლომერატის  შექმნა და აქ თითქმის საერთოდ არ ისმის კრიტიკული აზრი ხელისუფლების მიმართ.  ეს რეკეტი მოწმობს იმაზე, რომ ხელისუფლება ცდილობს ქვეყანაში კრიტიკული აზრი მოსპოს და  ყველა დემოკრატიული ინსტიტუტი შეასუსტოს. სწორედ ამაზეა საუბარი რამდენიმე დღის წინ აშშ-ის სადაზერვო  სააგენტოს მიერ გამოქვეყნებულ დასკვნაშიც, სადაც პირდაპირაა მითითებული, რომ „ქართული ოცნების“ ხელისუფლება ცდილობს მოსპოს პოლიტიკური ოპოზიცია, შეასუსტოს დემოკრატიული ინსტიტუტები და მმართველობის სრული მონოპოლიზაცია მოახდინოს.აქვე მინდა გამოვხატო ჩემი ღრმა პატივისცემა ტელეკომპანია პირველის ყველა ჟურნალისტისა და მენეჯმენტის მიმართ. მიუხედავად ზეწოლისა, ისინი ნამდვილად ღირსეულად ასრულებენ თავიანთ პროფესიულ მოვალეობას და აშუქებენ იმ პრობელემებს, რომელიც ჩვენ მოსახლეობას აქვს. ყოველივე ზემოაღნიშნულიდან გამომდინარე, მოვითხოვთ ივანიშვილის პირადმა რეიდერმა დიმიტრი ქუმსიშვილმა დატოვოს თანამდებობა. ასევე, მისი და ჯეჯელავას მიმართ  დაიწყო სისხლის სამართლებრივი დევნა. ჩვენ ამ მოთხოვნით მივმართავთ გენერალურ პროკურატურასაც.ასევე, ვაფიქსირებთ მზადყოფნას ვისაუბროთ მედიაგარემოზე ყველა დაინტერესებულ სუბიქტთან, იქნება ეს არასამთავრობო ორგანიზაციები თუ პოლიტიკური პარტიები.“

ენმ: მივმართავთ პარლამენტს, მუხთარლის საქმეზე საგამოძიებო კომისია შეიქმნას

ერთიანი ნაციონალური მოძრაობა, კიდევ ერთხელ მიმართავს პარლამენტს და აფგან მუხთარლის საქმეზე დროებითი საგამოძიებო კომისის შექმნას  მოითხოვს, რათა დროულად იყოს გამოძიებული აზერბაიჯანელი ჟურნალისტის გადატაცებისა და საქართველოს სახელმწიფო საზღვარზე უკანონოდ გადაყვანის ფაქტი.აღნიშნულის შესახებ დღეს გამართულ ბრიფინგზე ენმ-ის საპარლამენტო ფრაქციის თავმჯდომარე რომან გოცირიძემ ისაუბრა.„2017 წლის 29 მაისს თბილისში აზერბაიჯანელ ჟურნალისტს, აფგან მუხთარლს თავს დაესხნენ, გაიტაცეს და საქართველოს სახელმწიფო საზღვარზე უკანონოდ გადაიყვანეს, რაც დანაშაულს წარმოადგენს.გუშინ, აფგან მუხთარლი ახლო ნათესავების ტრაგიკულად გარდაცვალების გამო ორი დღით გაათავისუფლეს, რამაც მას საშუალება მისცა უფრო დეტალურად ესაუბრა მომხდარ ფაქტზე. ჟურნალისტმა კიდევ ერთხელ დაადასტურა ის დანაშაულებრივი ქმედება, რაც ისედაც ნათელი იყო ყველასთვის - მისი გატაცება ხელისუფლების უმაღლესი თანამდებობის პირების დავალებით, საქართველოს სამართალდამცავების მიერ მოხდა. ის  მომხდარ ფაქტში პირდაპირ ადანაშაულებს ქვეყნის პრემიერ-მინისტრ გიორგი კვირიკაშვილს.ამ მოვლენამ, რომელიც უმძიმეს დანაშაულს წარმოადგენს, განსაკუთრებული რეზონანსი გამოიწვია როგორც საერთაშორისო , ასევე ადგილობრივ დონეზე. კერძოდ, აფგან მუხთარლის გატაცების ფაქტს სპეციალური რეზოლუცია მიუძღვნა ევროპარლამენტმა, რითაც საქართველოს მთავრობისგან მომხდარი დანაშაულის დროული გამოძიება და მასში მონაწილე პირების დასჯა მოითხოვა.მიუხედავად ამისა საქართველოს ხელისუფლება არ ცდილობს გამოიძიოს მომხდარი, რადგან ამ დანაშაულში ჩართულია მთელი სახელიწუფლებო ვერტიკალი, უმაღლესი თანამდებობის პირების ჩათვლით.მიგვაჩნია, რომ ერთადერთი გამოსავალი  პარლამენტში დროებითი საგამოძიებო კომისიის შექმნაა. მიუხედავად ჩვენი არაერთი მიმართვისა პარლამენტი არ ასრულებს თავის კონსტიტუციურ მოვალეობას და აფერხებს ამ კომისიის შექმნას.კიდევ ერთხელ მოვუწოდებთ საკანონმდებლო ორგანოს, შექმნას დროებითი საგამოძიებო კომისია, რომელიც შეისწავლის აზერბაიჯანელ ჟურნალისტზე თავდასხმის, მისი გატაცებისა და საქართველოს სახელმწიფოსაზღვარზე უკანონოდ გადაყვანის ფაქტს.“ 

თემირლან მაჩალიკაშვილის მკვლელობა არის ხელისუფლების კრიმინალური ქმედებების შედეგი

„თემირლან მაჩალიკაშვილის მკვლელობა არის ხელისუფლების კრიმინალური ქმედებების შედეგი,“- ამის შესახებ ნუგზარ წიკლაურმა საგანგებოდ გამართულ ბრიფინგზე განაცხადა.„პირველ რიგში მინდა მივუსამძიმრო გარდაცვლილი თემირლან მაჩალიკაშვილის ოჯახს, პანკისის ხეობის მკვიდრებს და საართველოს მოქალაქეებს.თემირლან მაჩალიკაშვილის მკვლელობა საქართველოს მთავრობის კრიმინალური ქმედებების შედეგია.კერძოდ:ხელისუფლების დანაშაულია ჩატაევის ციხიდან გათავისუფლება 2012 წელს საქმის გამოძიების დასრულებმადე.ხელისუფლების დანაშაულია საერთაშორისო ტერორიზმში მხილებული ჩატაევის საქართველოში შემოსვლა.ხელისუფლების დანაშაულია ტერორისტებისთვის თბილისის  ცენტრში სამხედრო ბაზის შექმნის შესაზლებლობის მიცემა, რამაც სპეცრაზმელის სიცოცხლე შეიწირა.ხელისუფლების დანაშაულია ტერორისტებისთვის თბილისში უპრობლემოდ გადაადგილების შესაძლებლობის მიცემა.ხელისუფლების დანაშაულია საკუთარი დანაშაულის დაფარვის მიზნით, 19 წლის ბიჭის დაუნდობელი ჩაცხრილვა საწოლში.ხელისულფების დანაშაულია დროული სამედიცინო დახმარების არგაწევა.ერთიანი ნაციონალური მოძრაობა მიიჩნევს, რომ მთავრობის მოქმედებები მიმართული იყო საქართველოს ეროვნული ინტერესებისა და ჰუმანიზმის პრინციპების წინააღმდეგ.ენმ მხარს დაუჭერს სამოქალაქო პროტესტის ყველა კანონიერ ფორმას, რომელიც სიმართლის დადგენისკენ იქნება მიმართული. „ 

ენმ მთელს საქართველოში