ენმ-ის მიმართვა საქართველოს მოსახლეობასა და საერთაშორისო თანამეგობრობას უკრაინაში მიმდინარე მოვლენებზე

საქართველოს მესამე პრეზიდენტის, ამჟამად უკრაინის ოპოზიციის ლიდერის, მიხეილ სააკაშვილის პოლიტიკური დევნა დემოკრატიასთან შეუსაბამოა.  ამგვარი ქმედება განსაკუთრებით აღმაშფოთებელია ქართველი და უკრაინელი ხალხის ისტორიული მეგობრობისა და პუტინის რუსეთთან ერთობლივი ბრძოლის ფონზე.ის სამართლებრივი საფუძვლები, რაც პოროშენკოს პროკურატურამ მიხეილ სააკაშვილის დაპატიმრების მიზეზად დაასახელა, კრიტიკას ვერ უძლებს და პოლიტიკური ოპონენტის დევნისთვისაა შეთხზული.მოქალაქეობის ჩამორთმევიდან დაპატიმრებამდე განხორციელებული უკანონო ქმედებები მიხეილ სააკაშვილის, როგორც პოლიტიკური ოპონენტის, ნეიტრალიზებას ემსახურება, რასაც სამართალთან არანაირი კავშირი არ აქვს.  აშკარაა, რომ უკრაინისა და საქართველოს ოლიგარქიულ რეჟიმებს სურთ  პოლიტიკური ბრძოლის ველს ჩამოაშორონ ანტიკორუფციული ფრონტის ლიდერი. მოგიწოდებთ ყველას, ვისთვისაც ძვირფასია ამ ორი ქვეყნის თავისუფალი და დემოკრატიული მომავალი, მოვითხოვოთ უკრაინისა და საქართველოს ხელისუფლებებისგან შეწყდეს მიხეილ სააკაშვილის პოლიტიკური დევნა და გათავისუფლდეს ის უკანონო პატიმრობიდან. ჩვენ მკაფიო პოზიციაზეა დამოკიდებული როგორც ჩვენი ქვეყნების ევროპული მომავალი, ასევე მთელს პოსტსაბჭოთა სივრცეში ანტიდემოკრატიული, ავტოკრატიული ტენდენციების შეჩერება.თავისუფალი სამყაროსთვის მიუღებელია პოლიტიკურ ოპონენტებთან დაპატიმრებებითა და ფსევდოსამართლებრივი მეთოდებით ბრძოლა.  მიგვაჩნია, რომ დღეს ეს პოზიცია თავისუფალი სამყაროს ყველა  ლიდერმა ხმამაღლა უნდა გამოხატოს. მოვუწოდებთ ივანიშვილის ხელისუფლებას, კარგად დაფიქრდეს, გააცნობიეროს შექმნილი უმძიმესი ვითარება, რომელიც მისი ანტისახელმწიფოებრივი ქმედებების შედეგია.  ხელი აიღოს ქართული სახელმწიფოს ინტერესების შელახვაზე და  შეწყვიტოს საქართველოს მესამე პრეზიდენტის უკანონო პოლიტიკური დევნა. წინააღმდეგ შემთხვევაში, ხელისულფლება მიიღებს  სამოქალაქო პროტესტს მთელი ქვეყნის მასშტაბით. ამავდროულად, ვიწყებთ მოქალაქეთა ხელმოწერების შეგროვებას მიხეილ სააკაშვილის პოლიტიკური დევნის შეწყვეტის მოთხოვნით. თავისუფლება მიხეილ სააკაშვილსა და ყველა პოლიტიკურ პატიმარს!

ღირსების მანიფესტაცია - 6 დეკემბერი, 14:00 საათი, მეტრო რუსთაველთან 

6 დეკემბერს, 14:00 საათზე, რუსთაველის მეტროსთან, ერთიანი ნაციონალური მოძრაობა ღირსების მანიფესტაციას გამართავს. ენმ-ის პოლიტიკური საბჭოს თავმჯდომარე ნიკა მელიას განცხადებით, ოლიგარქიული რეჟიმის მხრიდან მიხეილ სააკაშვილის დაკავების გამო, პარტია საგანგებო რეჟიმში გადადის და მოუწოდებს ყველას, ვისთვისაც  საქართველოს თავისუფლების იდეალები ძვირფასია, მონაწილეობა მიიღოს ღირსების მანიფესტაციაში.„რამდენიმე საათის წინ პოროშენკოს ოლიგარქიულმა, ტოტალიტარულმა რეჟიმმა და მისმა სპეცდანიშნულების რაზმებმა საქართველოს პრეზიდენტი, „ერთიანი ნაციონალური მოძრაობის“ ლიდერი მიხეილ სააკაშვილი  დააკავეს. მისი დაპატიმრება ივანიშვილისა და პოროშენკოს ოლიგარქიული რეჟიმების შეთანხმებული რევანშია თავისუფლებისთვის მებრძოლი ქართველი და უკრაინელი ხალხების წინააღმდეგ. მეტიც, მიხეილ სააკაშვილის დაპატიმრება რუსეთის ფედერაციის დაუფარავი მოთხოვნის საფუძველზე ხდება.სწორედ ამიტომ, ერთიანი ნაციონალური მოძრაობა მოქმედების საგანგებო რეჟიმზე  გადადის და  საქართველოსთვის გადამწყვეტ ბრძოლას  აცხადებს. მოვუწოდებთ ყველა საქართველოს პატრიოტს, უკლებლივ საქართველოს ყველა მოქალაქეს, ვისთვისაც ძვირფასია საქართველოს თავისუფლების იდეალები, გამოვიდეს ხვალ, 14:00 საათზე რუსთაველის მეტროსთან და მონაწილეობა მიიღოს ღირსების მანიფესტაციაში.„ნაციონალური მოძრაობა“ იწყებს გადამწყვეტ ბრძოლას საქართველოს გადასარჩენას. პარტია ამ წუთიდან საგანგებო მოქმედების რეჟიმში გადადის“.

ევროსასამართლოს გადაწყვეტილება ვანო მერაბიშვილის საქმეზე უპრეცედენტოა

ერთიანი ნაციონალური მოძრაობა მიესალმება ევროსასამართლოს გადაწყვეტილებას ვანო მერაბიშვილის საქმეზე და საქართველოს მთავრობისგან პოლიტპატიმრების დაუყოვნებლივ გათავისუფლებას ელის. აღნიშნულის შესახებ დღეს გამართულ ბრიფინგზე ზაზა ბიბილაშვილმა ისაუბრა. „მივესალმებით ევროსასამართლოს დიდი პალატის უპრეცედენტო გადაწყვეტილებას ვანო მერაბიშვილის საქმეზე, რომელიც ცალსახად ადასტურებს, რომ დღეს საქართველოში არიან პოლიტპატიმრები.ეს გადაწყვეტილება ისტორიულია, რადგან ევროსასამართლოს არსებობის 60 წლიან ისტორიაში სასამართლომ სულ მეექვსედ დაადგინა 18 მუხლის დარღვევა. ხოლო დიდი პალატის შემთხვევაში ეს იყო პირველი პრეცედენტი.მე-18 მუხლის დარღვევა ნიშნავს, რომ ადამიანის პატიმრობა ემსახურება არა მართლმსაჯულების განხორციელების, არამედ სხვა მიზნებს.ყველა სხვა შემთხვევაში, როცა სასამართლოს მიერ დადგენდა მე-18 მუხლის დარღვევა, ამა თუ იმ ქვეყნის ხელისუფლება - მათ შორის პუტინის რუსეთი და იანუკოვიჩის უკრაინა - იძულებულები იყვნენ უკანონო პატიმარები პატიმრობიდან გაეთავისუფლებინათ.ახლა გამოჩნდება, შერჩა თუ არა ხელისუფლებას საღი აზრის მცირედი ნატამალი მაინც.არჩევანი მარტივია - ან ოლიგარქიული რეჟიმი გააგრძელებს სახელმწიფო ინტერესების შემდგომ დაზიანებას, ან მან უნდა გაათავისუფლოს ვანო მერაბიშვილი.ამ პროცესში შეუძლებელია არ აღინიშნოს საქართველოს ისტორიაში ყველაზე წარუმატებელი იუსტიციის მინისტრის, თეა წულუკიანის როლი, რომელმაც სულ რაღაც 1 საათის წინ მისი ხელისუფლების მორიგი მარცხი წარმატებად წარუდგინა ჩვენს ხალხს.გამაოგნებელია, რომ მინისტრი, რომელსაც ჩვენი ქვეყნისთვის საერთაშორისო სირცხვილისა და ნეგატიური პრეცედენტების გარდა არაფერი მოუტანია, მეექსვე წელია ინარჩუნებს თანამდებობას.თუმცა, ოლიგარქიული ხელისუფლების პრიორიტეტების გათvალისწინებით, ეს სრულიად ლოგიკურია.ერთიანი ნაციონალური მოძრაობა კიდევ ერთხელ მიესალმება ევროსასამართლოს ისტორიულ გადაწყვეტილებას და ელის ვანო მერაბიშვილისა და სხვა პოლიტპატიმრების გათავისუფლებას.“

ხატია დეკანოიძე: მიმდინარე სპეცოპერაციასთან დაკავშირებით ბევრი კითხვა არსებობს

"სპეცოპერაცია, რომელიც უკვე 21 საათია უშედეგოდ გრძელდება და ხალხის ცხელი წერტილიდან ევაკუაცია ვერ ხერხდება, “უთავბოლოდ” იყო დაგეგმილი" - აღნიშნულის შესახებ ერთიანი ნაციონალური მოძრაობის წარმომაგენელმა ხატია დეკანოიძემ განაცხადა. "პირველ რიგში, სწრაფი გამოჯანმრთელება მინდა ვუსურვო დაჭრილ სპეცრაზმელებს, სპეცოპერაციის მიმდებარე კორპუსში მცხოვრებლებს კი, სიმშვიდე.არსებობს ძალიან ბევრი კითხვა მიმდინარე სპეცოპერაციის გარშემო. პირველ რიგში, რატომ არ განხორციელდა იმ ადამიანების ევაკუაცია, რომლებიც იქ ცხოვრობენ?! როგორ მოხვდნენ კბილებამდე შეიარაღებული ადამიანები თბილისის ცენტრში, ერთ-ერთ კორპუსში ისე, რომ მათ შესახებ ინფორმაცია არ ჰქონდა დაზვერვის სამსახურს?! როგორ მოხდა ისე, რომ სუს-ის პრესცენტრი ავრცელებს ინფორმაციას, რომ სპეცოპერაციის მხოლოდ მე-20 საათზე ადგენენ ტერორიტების ვინაობას. რატომ შეუშვეს ბავშვები სკოლებსა და ბაღებში და რატომ მოხდა მათი ევაკუაცია სპეცოპერაციიდან რამდენიმე საათის შემდეგ?! რატომ მივიდა შს მინისტრი მხოლოდ 22 საათის შემდეგ ადგილზე, რატომ გაიპარა ის კანცელარიიდან მთავრობის სხდომის დასრულების შემდეგ - რატომ დაემალა ჟურნალისტებს?! რატომ არ დაამშვიდა პრემიერ- მინისტრმა მოსახლეობა?! რატომ ჰგონია ჩვენს ხელისუფლებას რომ საზოგადოება არ იმსახურებს იმ კითხვებზე პასუხის გაცემას, რომელიც დაგროვდა."

ენმ: მთავრობამ უნდა შეწყვიტოს საკუთარი მოქალაქეების უფლებების დაცვაში პოლიტიკური ნიშნით ხელმძღვანელობა

ერთიანი ნაციონალური მოძრაობა საქართველოს საგარეო საქმეთა მინისტრს მიმართავს  და მოითხოვს საქართველოს მთავრობამ შეწყვიტოს კონსტიტუციური ვალდებულებების შეუსრულებლობა და უარი თქვას საქართველოს მოქალაქეების უფლებების დაცვაში პოლიტიკური ნიშნით შერჩევითობაზე.„უკრაინის მთავრობამ უკრაინის კონსტიტუციისა და კანონმდებლობის დარღვევით , ასევე, გაეროს ადამიანის უფლებების უნივერსალური დეკლარაციით დაცული უფლებების ხელყოფითა და სამოქალაქო და პოლიტიკური უფლებების შესახებ საერთაშორისო პაქტის მე–9 და მე–13 მუხლების მოთხოვნათა უგულებელყოფით მოახდინა საქართველოს მოქალაქეების სამშობლოში დეპორტაცია, რასაც წინ უძღოდა მათი უკანონო დაპატიმრება და ადამიანური ღირსების უხეში შელახვა.აღნიშნულთან დაკავშირებით საქართველოს მთავრობამ არ შეასრულა კონსტიტუციური ვალდებულება – გაეტარებინა საკუთარი მოქალაქეების უფლებების დაცვის ღონისძიებანი: მიემართა უკრაინის ხელისუფლებისთვის და გაეპროტესტებინა საქართველოს მოქალაქეების უფლებების შელახვის ფაქტები. ოპერატიულად დაედგინა გატაცებულების ადგილსამყოფელი და მათი მდგომარეობა, მოეთხოვა მათთან უფლებადამცველების შეშვება და ა.შ.საქართველოს ხელისუფლებამ საქართველოს მოქალაქეების ბედისადმი გამოავლინა სრული გულგრილობა და დანაშაულებრივი უმოქმედობა. მით უფრო, რომ საქმე ეხება ჟურნალისტს და უკრაინაში, უკრაინის და საქართველოს საერთო მტერთან ბრძოლაში დამსახურებულ ჩვენს თანამოქალაქეებს. ისინი სიცოცხლის რისკის ფასად იცავდნენ უკრაინას რუსეთის სამხედრო აგრესიისგან. მიგვაჩნია, რომ უკრაინაში, საქართველოს მოქალაქეების თავისუფლების, პატივისა და ღირსების უხეში ფორმებით დარღვევის ფაქტებისადმი ასეთი დამოკიდებულების საფუძველი არის პოლიტიკური დისკრიმინაცია და საქართველოს მოქალაქეების უფლებების დაცვაზე შერჩევითი ნიშნით უარის თქმა, რაც არის მორიგი საგანგაშო გამოვლინება ივანიშვილის რეჟიმის მიერ დამკვიდრებული სახელმწიფოებრივი უპასუხისმგებლობისა.საქართველოს მოქალაქეების უფლებების ხელყოფასთან დაკავშირებით შეთანხმებული ქმედებებით, საქართველოს და უკრაინის მთავრობები ზიანს აყენებენ უკრაინისა და საქართველოს სტრატეგიულ ურთიერთობას, ეს კი კატეგორიულად დაუშვებელია. უკრაინაც და საქართველოც რუსეთის სამხედრო აგრესიის მსხვერპლია. ჩვენს ხალხებს აერთიანებს გამორჩეული მეგობრობა, საერთო გამოწვევები და ამოცანები, რაც უპირველესად გულისხმობს დეოკუპაციას და ევროპული ტიპის დემოკრატიულ სახელმწიფოებად ჩამოყალიბებას.მოვითხოვთ, საქართველოს მთავრობამ შეწყვიტოს კონსტიტუციური ვალდებულებების შეუსრულებლობა და უარი თქვას საქართველოს მოქალაქეების უფლებების დაცვაში პოლიტიკური ნიშნით შერჩევითობის პრინციპით ხელმძღვანელობაზე.“

ფრაქცია ნაციონალური მოძრაობის საკანონმდებლო ინიციატივა „საბიუჯეტო კოდექსში“ ცვლილების შეტანის თაობაზე

ბიუჯეტის დეფიციტის ეფექტური კონტროლის და საშუალოვადიანი ფისკალური სტაბილურობის მიღწევის მიზნით, საპარლამენტო ფრაქცია ნაციონალურმა მოძრაობამ პარლამენტში განსახილველად  ახალი საკანონმდებლო ინიციატივა წარადგინა, რომელიც  „საბიუჯეტო კოდექსში“ ცვლილებების შეტანას გულისხმობს.      დღეს საქართველოს მთავრობა სახელმწიფო ბიუჯეტის დეფიციტის აღრიცხვისათვის იყენებს საბიუჯეტო კოდექსით დადგენილ მეთოდოლოგიას, რომელიც ბიუჯეტის ყველა სახის შემოსავალსა და ხარჯს შორის სხვაობას არ ითვალისწინებს. შესაბამისად, აღნიშნული მეთოდი  ბიუჯეტის სრული დეფიციტის მოცულობას არ ასახავს, რომლსაც მთავრობა ყოველწლიურად საშინაო და საგარეო ვალის აღებით აფინანსებს. შედეგად, აღნიშნული მეთოდით გაანგარიშებული დეფიციტი ყოველ წელს დაბალ, დაახლოებით 1%-იან ნიშნულზე ფიქსირდება.  პარალელურად, დეფიციტის სრული და რეალური მოცულობის გაანგარიშების მიზნებისათვის და ქვეყნის ეკონომიკური საქმიანობის შეფასებისათვის,   როგორც საქართველოს მთავრობა, ასევე საერთაშორისო სავალუტო ფონდი აქტიურად იყენებებს ბიუჯეტის დეფიციტის დათვლის განსხვავებულ მეთოდოლოგიას, რომელიც უფრო დეტალურად და რეალისტურად ასახავს ბიუჯეტის დეფიციტს და რომლის მიხედვითაც გაანგარიშებული ბიუჯეტის დეფიციტი ყოველწლიურად აღემატება 3%-ს.  აღნიშნული არ წარმოადგენს კანონით დადგენილ ბიუჯეტის დეფიციტის აღრიცხვის მეთოდს და გამოიყენება მხოლოდ სამუშაო მიზნებისათვის.  წარმოდგენილი კანონპროექტი გულისხმობს საბიუჯეტო კოდექსით განსაზღვრული ბიუჯეტის პროფიციტის/დეფიციტის გაანგარიშების მეთოდის ცვლილებას. დეფიციტის გაანგარიშების ინიცირებული მეთოდოლოგიის დანერგვა უზრუნველყოფს სახელმწიფო ბიუჯეტის დეფიციტის სრული სურათის ასახვას, რომელიც შესაბამისობაშია როგორც საერთაშორისო სავალუტო ფონდის მიერ დადგენილ მეთოდოლოგიასთან,  ასევე  მეტადაა ორიენტირებული არამდგრადი ფისკალური პოლიტიკის პრევენციაზე.  აღნიშნული კანონპროექტი განიხილული იქნება პარლამენტის ბიუროს 20 ნოემბრის სხდომაზე.  

ენმ მთელს საქართველოში