კრიზისების მართავის საბჭო უნდა გაუქმდეს, ის ოცნების პოლიტიკური პენსიონრების თავშესაფარია

ერთიანი ნაციონალური მოძრაობა მიიჩნევს, რომ კრიზისების მართვის საბჭო უნდა გაუქმდეს,  გამოთავისუფლებული რესურსი  კი შესაბამისი უწყებების გაძლიერებას მოხმარდეს.აღნიშნულის შესახებ დღეს გამართულ ბრიფინგზე პარტიის მერობის კანდიდატმა ზალიკო უდუმაშვილმა ისაუბრა.„გუშინ, ჩვენ კიდევ ერთხელ გავხდით  მომსწრე, თუ რამდენად უმოქმედოა ხელისუფლება კრიზისულ ვითარებებში. რომ არა მეხანძრეების თავდადებული მუშაობა, ხანძრის შედეგი შესაძლოა გაცილებით მძიმე ყოფილყო. და ეს იმ დროს, როდესაც მთავრობაში  უკვე სამი წელია კრიზისების მართვის საბჭო ფუნქციონირებს. თუმცა, რას ემსახურება ეს უწყება დღემდე გაურკვეველია.კრიზისების მართვის საბჭო რეალურად ქართული ოცნების პოლიტიკური პენსიონერების თავშესაფარს წარმოადგენს, რომლის შენახვაც ბიუჯეტს ყოველწლიურად 3 მილიონ- ნახევარი უჯდება და აქედან 2 მილონ-ნახევარი მხოლოდ სახელფასო ფონდია. იქ დასაქმებული 78 ადამიანის საშუალო ხელფასი კი უპრეცედენტოდ მაღალი -  2600 ლარია.ბოლო სამი წლის განმავლობაში ჩვენი ჯიბიდან ამ უწყებამ 20 მილიონზე მეტი მიიღო.ეს უწყება რომ არაქმედითუნარიანია ჯერ კიდევ 13 ივნისის სტიქიის დროს გამოჩნდა. გუშინ კი საერთოდ არ ჩართულა მთაწმინდაზე გაჩენილი ხანძრის ლიკვიდაციის პროცესში.  ამიტომ, უმოქმედო  საბჭო უნდა გაუქმდეს,  გამოთავისუფლებული რესურსები კი შესაბამისი  უწყებების ტექნიკურ აღჭურვასა და  გაძლიერებას უნდა მოხმარდეს.რაც შეეხება მაკოორდინირებელ ფუნქციას, რომელიც დღეს კრიზესების მართვის საბჭოს ფორმალურად აკისრია, ეს მთავრობის პირდაპირი პასუხისმგებლობაა.    

ზაალ უდუმაშვილი და გრიგოლ ვაშაძე იანოშ ჰერმანს შეხვდნენ

ნაციონალური მოძრაობის თბილისის მერობის კანდიდატი ზაალ უდუმაშვილი და პარტიის ერთ-ერთი ლიდერი გრიგოლ ვაშაძე, ევროკავშირის ელჩს საქართველოში, იანოშ ჰერმანს შეხვდნენ.საუბარი ქვეყანაში მიმდინარე პოლიტიკურ პროცესებს, ქვეყნის საგარეო პოლიტიკას და სხვა მნიშვნელოვან საკითხებს შეეხებოდა. ევროკავშირის ელჩი წინასაარჩევნო გარემოთი დაინტერესდა. ზაალ უდუმაშვილმა ელჩს საარჩევნო პროგრამა გააცნო. ბატონმა ჰერმანმა აღნიშნა, რომ ევროკავშირი მკაცრად დააკვირდება არჩევნების მიმდინარეობის პროცესს, თუ რამდენად იქნება კავშირში ევროპულ ღირებულებებთან და იმ სტანდარტთან, რომელსაც ასოცირების შეთანხმება ითვალისწინებს.ზაალ უდუმაშვილმა ევროკავშირის ელჩს მადლობა გადაუხადა, საქართველოს დამოუკიდებლობის, სუვერენიტეტის, ტერიტორიული მთლიანობისა და დემოკრატიული პროცესების მტკიცე მხარდაჭერისათვის.

ენმ-ის ლიდერებმა მუხათგვერდის ძმათა სასაფლაო გვირგვინით შეამკეს

ერთიანი ნაციონალური მოძრაობის ლიდერები მუხათგვერდის ძმათა სასაფლაოზე მივიდნენ და სამშობლოს ერთიანობისთვის დაღუპული მეომრების საფლავები გვირგვინით შეამკეს.„ჩვენს ქვეყანას სჭირდება ამ ვითარებაში, არა რუსეთისთვის თავის დახრა, მიუხედავად იმისა, რომ ის ძალიან ძლიერია, არამედ ბევრად უფრო ძლიერ, ჩვენს დასავლელ მეგობრებთან ერთად კონსოლიდაცია. გონივრული, პატრიოტული, კომპეტენტური და საქმიანი მოთმინებით ქმედებები. მიზანმიმართული და ადეკვატური ქმედებები იმისთვის, რომ ჩვენს მეგობრებთან ერთად, მათი დახმარებით, ადრე თუ გვიან და დარწმუნებული ვარ, რაც უფრო ადრეგავწევრიანდებით ნატოსა და ევროკავშირში, გავამთლიანოთ მშვიდობიანად ჩვენი ქვეყანა,“ - განაცხადა ”ერთიანი ნაციონალური მოძრაობის” პოლიტიკური საბჭოს წევრმა, გიორგი ბარამიძემ.გრიგოლ ვაშაძის განცხადებით კი,  რუსეთმა 2008 წლის აგვისტოში საქართველოს ტერიტორიული მთლიანობისა და სუვერენიტეტის წინააღმდეგ სამხედრო აგრესია განახორციელა.„სამხედრო-ტერორისტული აგრესია მიმართული იყო ჩვენი დამოუკიდებლობის, სუვერენიტეტის, ტერიტორიული მთლიანობის და თავისუფლების წინააღმდეგ. ის, რომ აგრესია შეჩერებული იქნა, ამის დამსახურება უპირველეს ყოვლისა ქართველ ერს და ჩვენ შეიარაღებულ ძალებს ეკუთვნის. რაც შეეხება აგრესორს, მან იმ დღეებში ნახა, რომ ძალიან ძვირი ფასის გადახადა მოუწია ამ აგრესიის ჩატარებისთვის.“ 

სერგეენკოს განცხადება საქართველოს საერთაშორისო ასპარეზზე გამოუსწორებელ ზიანს აყენებს

"ერთიანი ნაციონალურ მოძრაობის" ერთ-ერთი ლიდერი გრიგოლ ვაშაძე დავით სერგეენკოს განცხადებას მცოცავ ოკუპაციასთან დაკავშირებით  უპასუხისმგებლოს უწოდებს, რომელიც საქართველოს საერთაშორისო ასპარეზზე გამოუსწორებელ ზიანს აყენებს.„ჯანდაცვის მინისტრი, ბატონი სერგეენკო, ეტყობა დაიღალა ჯანდაცვის სფეროში უზარმაზარ მიღწევებზე საუბრით და თავისი უზენაესი ყურადღება რატომღაც ოკუპირებულ ტერიტორიებს მიაპყრო. მისი ერთი ფრაზიდან, უგუნური, უმეცარი და მავნებლური ფრაზიდან, რომელიც ზიანს აყენებს საქართველოს საგარეო პოლიტიკურ ინტერესებს, ჩვენ გავიგეთ ჯერ ერთი, რომ რუსეთი არ ახორციელებს მცოცავ ოკუპაციას, მეორე ის, რომ თურმე ე.წ. ცხინვალის რეგიონს ე.წ. სამხრეთ ოსეთს აქვს საზღვრები და მესამე ის, რომ 2008 წელს ომი დაიწყო საქართველომ და კერძოდ „ნაციონალურმა მოძრაობამ.“ არ ვიცი როგორ ისჯებიან პატივცემული მინისტრები ამ ხელისუფლების დროს, მაგრამ თუ არ დასჯიან, ერთი თხოვნა გვაქვს, როგორც რიგით მოქალაქეებს, ლაპარაკი მაინც აუკრძალონ.ეს ნაბოდვარი, საქართველოს დელეგაციებს საერთაშორისო ორგანიზაციებში და ჟენევის კონსულტაციებზე წინ დახვდება“ - განაცხადა გრიგოლ ვაშაძემ.

ენმ ახალ კამპანიას „ვეღარ გააყალბებ“ იწყებს

ერთიანი ნაციონალური მოძრაობა ახალ კამპანიას „ვეღარ გააყალბებ“ იწყებს. გაყალბების საწინააღმდეგო შტაბის მიზანია, წინასაარჩევნო პერიოდში არსებული დარღვევებისა და ძალადობის ფაქტების შესწავლა; გასული წლის საპარლამენტო არჩევნების დროს მომხდარი უკანონობისა და განუკითხაობის განმეორების საშიშროების აღმოფხვრა.კამპანია „ვეღარ გააყალბებ“ შტაბს ლევან ბეჟაშვილი და ზაზა ბიბილაშვილი უხელმძღვანელებენ.„დღეს ჩვენ ვქმნით გაყალბების საწინააღმდეგო შტაბს და ვიწყებთ აქტიურ კამპანიას, რათა არ დავუშვათ ივანიშვილის მიერ არჩევნების მორიგი გაყალბება.გაყალბების საწინააღმდეგო შტაბის მიზანია არ დაუშვას იმ უკანონობისა და განუკითხაობის განმეორება, რომელიც ყველა ჩვენგანმა იხილა შარშანდელი საპარლამენტო არჩევნების დროს, როდესაც ივანიშვილმა ძალადობით, უკონტროლო შავი ფულით, ამომრჩევლის მოსყიდვით, ადმინისტრაციული რესურსის ტოტალური მობილიზებით, სუსის საარჩევნო პროცესებში ჩართვითა და ხელისუფლებასთან სინქრონში მოქმედი ორგანიზებული კრიმინალური სამყაროს დახმარებით შეძლო საკოსტიტუციო უმრავლესობის მოპოვება, რომელსაც ის საკუთარი კლანის ინტერესებისთვის, ხალხის საზიანოდ იყენებს.ცხადია, გაყალბების ძირითადი მსხვერპლი მთავარი ოპოზიციური ძალა, ერთიანი ნაციონალური მოძრაობა იყო. შორს რომ არ წავიდეთ, ყველას გვახსოვს, როგორ დაარბიეს საარჩევნო უბნები და როგორ მოგვპარეს სანდრა რულოვსის მიერ მოგებული არჩევნები ზუგდიდის რაიონში (რისთვისაც დღემდე არავინ დასჯილა). გვახსოვს, როგორ ჩატარდა არჩევნები ქუთაისში, ახალციხესა და მარნეულში.მაგრამ ნაციონალური მოძრაობა არ ყოფილა გაყალბების ერთადერთი მსხვერპლი. გავიხსენოთ, რა გზით მოხვდა პარლამენტში ივანიშვილის მიერ მოწონებული და წახალისებული ღიად პრორუსული ძალა - პატრიოტთა ალიანსი, როცა ხელოვნურად, ბათილი ბიულეტინებისა და პროცენტების მანიპულირებით მოხდა სასურველი შედეგის დასმა...დღეს ვითარება კიდევ უფრო მძიმეა.დღეს საქართველოში არ არის თავისუფალი და სამართლიანი არჩევნების ჩასატარებლად აუცილებელი გარემო.როგორ შეიძლება სამართლიანი ეწოდოს საარჩევნო გარემოს, როცა უკვე ხუთი წელია, მიმდინარეობს პროდასავლური ოპოზიციის ორგანიზებული პოლიტიკური დევნა? როცა პრეზიდენტი სააკაშვილი და ოპოზიციის ყველა ლიდერი ან ციხეშია, ან იძულებით დევნილობაში, ან სისხლის სამართლებრივ დევნაში?ხალხის ნების გაყალბების მთავარი ნიშანია, როცა ივანიშვილი და მის უკან მდგომი ძალები ქართველი ამომრჩევლის მაგივრად არჩევენ, თუ ვინ შეიძლება იყოს პოლიტიკური პროცესის მონაწილე და ვინ - არა.სწორედ ამ მიზნით გრძელდება ოპოზიციის დევნა, რაც ეს ჩამოურეცხავი ლაქაა ოცნების მმართველობაზე და ეჭვქვეშ აყენებს თავისუფალი და სამართლიანი არჩევნების ჩატარების შესაძლებლობას.რაც შეეხება გაყალბების „ტექნიკურ“ მხარეს:ყველამ იცის, რომ გაყალბება მხოლოდ არჩვენების დღეს ურნებთან ჩადენილი დანაშაული არაა. გაყალბებაა უკანონო მიწერები (როცა თქვენს ბინაში უცხო ადამიანებს არეგისტრირებენ), ადმინისტრაციული რესურსის გამოყენება, ამომრჩეველზე ზეწოლა და საარჩევნო პროცესში სუსისა თუ კრიმინალური სამყაროს ჩართვა. გაყალბებაა ძალადობა, რომელიც უკვე დაწყებულია. მაგალითად, ახალციხეში სასტიკად სცემეს ჩვენი წარმადგენელი ბეგლარ კაპანაძე, მისი 83 წლის მამა და შვილი! გურიაში ჩვენს კანდიდატებზე ზეწოლის მოსახდენად ჩართული არიან კრიმინალური ავტორიტეტები რუსეთიდან!ხელისუფლების რეაქცია ამ ყველაფერზე ცნობილია: იმის მაგივრად, რომ დღეს კორცხელის ზონდერები განსასჯელის სკამზე ისხდნენ, მათი მეთაური კახი კალაძე თბილისის მერობის კანდიდატია, თავად მოძალადეებს კი სამეგრელოს გუბერნატორი და ბერა ივანიშვილი ერთად აქეიფებენ...ეს არ იქნება პარტიული შტაბი. ეს იქნება შტაბი ნებისმიერი დარღვევის გამოსავლენად. შტაბი, რომელიც აღრიცხავს ყველა დარღვევასა თუ დანაშაულს და დაიცავს ხალხის ხმებს, ხალხთან ერთად.შესაბამისად, მივმართავთ ყველა ოპოზიციურ პარტიას და ვთხოვთ მათ, ჩამოვაყალიბოთ გაყალბების საწინააღმდგეო ართობლივი საბჭო. მივამართავთ ყველა ოპოზიციურად განწყობილ ადამიანს - ამ კამპანიაში მაქსიმალურად ბევრი ადამიანი უნდა ჩაერთოს - ყველა, ვინც აცნობიერებს, რომ ქვეყნის არაფორმალური მმართველი, რომელმაც მხოლოდ სიღატაკე და უიმედობა მოუტანა ხალხს, არ აპირებს ხელისუფლების დემოკრატიული გზით დათმობას.თითოეული თქვენგანის ჩართულობა ამ შტაბის წარმატებული მუშაობის საწინდარია. ვამხილოთ უსამართლობა და ვებრძოლოთ მას. ვუთხრათ ივანიშვილს - ვეღარ გააყალბებ!განსხვავებით ადრინდელისგან, ჩვენ აღარ შეგაჩერებთ. პირიქით, ჩვენ ვიბრძოლებთ თქვენთან ერთად.“

ენმ მთელს საქართველოში