მედია

ახალი ამბები

დეპუტატი თინა ბოკუჩავა პოლიტიკური ნიშნით დევნაზე საუბრობს

დეპუტატი თინა ბოკუჩავა პოლიტიკური ნიშნით დევნაზე საუბრობს დღევანდელ პრესკონფერენციაზე დეპუტატმა ჟურნალისტებს რამდენიმე კონკრეტული მაგალითი შეახსენა, რომელშიც შესაძლო დანაშაულის მონაწილეები ”ქართულ ოცნებასთან” დაახლოებული პირები იყვნენ. თინა ბოკუჩავამ ბიძინა ივანიშვილის ძმის შვილის, ლუკა კურტანიძის, ეკა ბერიძის შვილისა და ლევან გაჩეჩილაძის შვილის საქმეები გაიხსენა. ბოკუჩავა აცხადებს, რომ არც ერთ შემთხვევაში საქმე აღძრული არ არის. თინათინ ბოკუჩავას თქმით, სისხლის სამართლებრივი დევნა ადამიანებზე ხორციელდება პოლიტიკური ნიშნით, ეს არის წმინდა წყლის შერჩევითი სამართალი. მაშინ, როდესაც ქალბატონი თეა წულუკიანი გამუდმებით გვესაუბრება სამართლიანობის აღდგენაზე, ჩვენ დღითიდღე ვრწმუნდებით იმაში, რომ სამართლიანობის აღდგენაში თეა წულუკიანი რეალურად გულისხმობს შერჩევითი სამართლის დამკვიდრებას.  

ვანო მერაბიშვილი: ''თუ ბიძინა ივანიშვილს სურს, რომ დაასუსტოს ქართული ოპოზიცია, მაშინ მან, უპირველეს ყოვლისა, ქართველი ხალხის წინაშე აღებული დაპირებები უნდა შეასრულოს''

ბიძინა ივანიშვილის მიერ გაკეთებულ განცხადებას პროკურატურაში რიგების შესამცირებლად ოპონენტების მიერ რიტორიკის შეცვლისკენ მოწოდების თაობაზე „ერთიანი ნაციონალური მოძრაობის“ გენერალური მდივანი ვანო მერაბიშვილი გამოეხმაურა. მისი თქმით, „ერთიანი ნაციონალური მოძრაობა“ თავად გადაწყვეტს როგორი რიტორიკა ჰქონდეს, როგორი განცხადებები გააკეთოს და ის კვლავაც დარჩება კრიტიკოსი ამ ხელისუფლების. „ერთიანი ნაციონალური მოძრაობა ყოველ წუთას შეახსენებს ხელისუფლებას, რომ მას აქვს აღებული ვალდებულება ქართველი ხალხის წინაშე და ნებისმიერი ამ ვალდებულების შეუსრულებლობის შემთხვევაში, ნებისმიერი პოლიტიკური დევნის, კანონის დარღვევის შემთხვევაში ის გააკრიტიკებს და არ შეცვლის რიტორიკას. თუ ბატონ ბიძინა ივანიშვილს სურს, რომ დაასუსტოს ქართული ოპოზიცია, მაშინ მან, უპირველეს ყოვლისა, ქართველი ხალხის წინაშე აღებული დაპირებები უნდა შეასრულოს“, – განაცხადა ვანო მერაბიშვილმა. ამას გარდა, მან აღნიშნა, რომ ოპოზიციის დევნა და შანტაჟი ავნებს როგორც ბიძინა ივანიშვილს, ისე საქართველოს იმიჯს და ამიტომ, სასურველია, თუკი იგი თავად შეცვლიდა რიტორიკას. დღესვე ბიძინა ივანიშვილის განცხადებას საპარლამენტო უმცირესობის წევრი, ირმა ნადირაშვილი გამოეხმაურა. „ბიძინა ივანიშვილმა თავად დაადასტურა, რომ ბოლო დროს განხორციელებული დაჭერები არის წმინდა წყლის პოლიტიკური დაჭერები და ეს რიგები პროკურატურასთან არის პირდაპირპროპორციული „ერთიანი ნაციონალური მოძრაობის“ რიტორიკისა“, – აღნიშნა საპარლამენტო უმცირესობის წევრმა. მისივე თქმით, მსოფლიოში არ არსებობს ისეთი მთავრობა, რომელიც გააკეთებდა ანონსს ქვეყანაში კრიმინალის რიცხვის გაზრდასთან დაკავშირებით და ბიძინა ივანიშვილი ნაცვლად იმისა, რომ განაცხადოს – საქართველოს მთავრობა აპირებს ამ კრიმინალის წინააღმდეგ ბრძოლას, მოუწოდებს საქართველოს მოსახლეობას, შეეგუოს კრიმინალის ზრდას.  

ზურაბ ჯაფარიძე: ''შეგვიძლია, თავი მოვიტყუოთ ან ვირწმუნოთ, რომ ამ ადამიანებმა განიცადეს კათარზისი და დღეს კეთილსინდისიერად ემსახურებიან ქართველ ხალხს, თუმცა მსგავსი სასწაულების არ გვჯერა''

15:48 / 30 ნოემბერი, 2012

Pages