მედია

ახალი ამბები

ენმ მმართველ გუნდს კანონდარღვევაში ადანაშაულებს

„ერთიანი ნაციონალური მოძრაობის“ წარმომადგენლების განცხადებით, მმართველი პარტია ადმინისტრაციულ რესურსს ბოროტად იყენებს.აღნიშნულის შესახებ ლევან ბეჟაშვილმა და ბესო შენგელიამ დღეს გამართულ ბრიფინგზე ისაუბრე. მათი თქმით, სამარშრუტო ტაქსებზე გასული წლის არჩევნების შემდგომ შემორჩენილია სარეკლამო ბანერები, რაც კანონდარღვევაა. უფრო კონკრეტულად კი,  საქართველოს საარჩევნო კოდექსის 46-ე მუხლის თანახმად,  საარჩევნო სუბიექტი ვალდებულია არჩევნების საბოლოო შედეგების ოფიციალურად გამოქვეყნებიდან 15 დღის ვადაში უზრუნველყოს სააგიტაციო მასალის ჩამოხსნა. წინააღმდეგ შემთხვევაში მას დაეკისრება საქართველოს კანონმდებლობით გათვალისწინებული პასუხისმგებლობა, რაც შემდეგში მდგომარეობს: საქართველოს ორგანული კანონი „მოქალაქეთა პოლიტიკური გაერთიანებების შესახებ“, მუხლი 25 მე-2 ნაწილი - შემოწირულობად ითვლება პარტიის მიერ ფიზიკური ან იურიდიული პირისაგან უსასყიდლოდ ან ფასდაკლებით/შეღავათიანი პირობებით მიღებული მატერიალური ან არამატერიალური ფასეულობა და მომსახურება. მუხლი 27 - პარტიის მიერ თითოეული იურიდიული პირისაგან მიღებული შემოწირულობის საერთო რაოდენობა წელიწადში  არ უნდა აღემატებოდეს 120 000 ლარს. მოქალაქემ ან იურიდიულმა პირმა შემოწირულობა შეიძლება განახორციელოს ამ კანონით დადგენილ ზღვრულ ნორმებში.ბესო შენგელიას განცხადებით, ზემოთ მოყვანილი წესები დარღვეულია, რადგან დადგენილი თანხა ბევრად აღემატება მოცემულობას.„ჩვენი დათვლებით, მხოლოდ ჩვენს მიერ აღმოჩენილ 20 სამარშუტო ტაქსზე გასული არჩევნების შემდგომ დარჩენილი სააგიტაციო მასალა, თანხაში გადაყვანილი, 181 ათასი ლარია.“ლევან ბეჟაშვილის განცხადებით, კი „ეს ყველაფერი ხდება ცენტრალური საარჩევნო კომისიის და ფინანსური მონიტორინგის ცხვირწინ. მთელი ამ პერიოდის განმავლობაში მათგან არც ერთ ნაბიჯი არ გადადგმულა რომ აღკვეთილიყო კანონმდებლობის დარღვევა და დღეს ჩვენ ვხედავთ საარჩევნო მანიპულაციის სახით ასეთ კანონდარღვევებს, რომელიც პირდაპირ ნიშნავს ადმინისტრაციული რესურსის და ხელისუფლების ბოროტად გამოყენებას“.  

ვეღარ გააყალბებ - კახეთში საუბნო საარჩევნო კომისიის წევრების დაკომპლექტება წინასწარ შერჩეული სიით ხდება

ერთიანი ნაციონალური მოძრაობის წარმომადგენელმა გიორგი ბოტკოველმა ამჯერად კახეთში არსებულ საარჩევნო დარღვევებზე ისაუბრა, სადაც სხვა შემთხვევების მსგავსად, საოლქო საარჩევნო კომისიას წინასწარ აქვს განსაზღვრული თუ ვინ უნდა აირჩიონ საუბნო საარჩევნო კომისიის წევრებად და ამ ადამიანების აბსოლუტური უმრავლესობა ხელისუფლების მიერ კონტროლირებადია. „დღევანდელმა ხელისუფლებამ, ქართულმა ოცნებამ, დაინახა, რომ ამ არჩევნებში გამარჯვების შანსი არ აქვს და არჩევნების გაყალბებისთვის ისეთი ქმედებებით დაიწყო მზადება, რომლითაც აბსოლუტურად გააკონტროლებს საოლქო და საუბნო საარჩევნო კომისიებს. ამჯერად ყურადღება მინდა გავამახვილო თელავისა და სიღნაღის მაგალითებზე. თელავში, უკვე გადაწყვეტილია თუ ვინ უნდა აირჩიონ საუბნო საარჩევნო კომისიის წევრებად. საოლქო კომისიას „ქართული ოცნების“ შტაბიდან სია აქვს გადაცემული. ამის დამადასტურებელი დოკუმენტი თავად ოცნების წარმომადგენელმა მოგვაწოდა. ასევე, საოლქო კომისია იძლევა მითითებას თუ ვინ უნდა იყოს არჩეული საარჩევნო კომისიის თავმჯდომარედ, მოადგილედ და მდივნად. გაყალბების მცდელობის ფაქტია სიღნაღშიც, სადაც ჩვენ სრულად გავშირფრეთ ის ადამიანები, რომლებმაც კონკურსზე განაცხადი შეიტანეს. მთი აბოლუტური უმრავლესობა სიღნაღის მუნიცილაპიტეტის აიპებშია დასაქმებული. ასევე, მუნიციპალიტეტში, საკრებულოსა და სკოლებში. ესენი არიან ადმიანები,  რომლებზეც ხელისუფლებას  ზეგავლენის მოხდენა შეუძლია.მინდა მივმართო ხელისუფლებას, რომ არჩევნებს ვეღარ გააყალბებთ, ამის უფლებას ხალხი არ მოგცემთ. მოვუწოდებთ საოლქოს თანამშრომლებს, ნუ მიიღებენ ამ კანონდარღვევაში მონაწილეობას, რადგან ისინი პასუხისმგებლები იქნებიან ამაზე.“ 

Pages