მედია

ახალი ამბები

მასწავლებლის დღესთან დაკავშირებით ენმ-ის წევრებმა იაკობ გოგებაშვილის საფლავი ყვავილებით შეამკეს

მასწავლებლის საერთაშორისო დღესთან დაკავშირებით, ერთიანი ნაციონალური მოძრაობის განათლების ჯგუფის წევრებმა და საბურთალოს რაიონის მაჟორიტარობის კანდიდატებმა დავით ლაგვილავამ, მარიამ გერსამიამ და ნინო კვიტაიშვილმა მთაწმინდის საზოგადო მოღვაწეთა პანთეონში, იაკობ გოგებაშვილის საფლავი ყვავილებით შეამკეს.  დღეს, მაჟორიტარობის კანდიდატებს არ მიეცათ შესაძლებლობა გაემართათ წინასწარ შეთანხმებული შეხვედრა მასწავლებლებთან (პედაგოგების თქმით, ისინი დააშინეს). ნაციონალური მოძრაობის წევრები იმედოვნებენ, რომ არჩევნების შემდეგ, "ოცნების ხელისუფლების" შეცვლის შედეგად, განათლების სისტემის მმართველობის სტილიც შეიცვლება და გახდება ისეთი, როგორზეც იაკობ გოგებაშვილი და მისი თანამოაზრეები ოცნებობდნენ.  

ლევან ხაბეიშვილი: გვაქვს კადრები, სადაც ნათლად ჩანს, რომ ფიზიკურად გამისწორდნენ

„პრემიერ-მინისტრმა იცრუა, როცა აღნიშნა, რომ მე მერიაში შეუძლოდ გახდომის გამო შემიყვანეს, რათა ჩემთვის დახმარება აღმოეჩინათ“ - აღნიშნულის შესახებ დღეს გამართულ ბრიფინგზე ერთიანი ნაციონალური მოძრაობის წარმომადგენელმა ლევან ხაბეიშვილმა ისაუბრა. „ჩვენ გვაქვს კადრები, სადაც ნათლად ჩანს თუ როგორ მომიპარეს აქციიდან. ეს მოპარვაა, რადგან არ შემდგარა სამართლებრივი დოკუმენტი რის გამო დამაკავეს და შემიყვანეს მერიაში. კადრებში აღბეჭდილია, როგორ მივყევართ მასაში, სადაც მერიის უსაფრთხოების თანამშრომლები  ფიზიკურად მისწორდებიან. ეს იყო წინასწარ დაგეგმილი.მას შემდეგ, რაც ამ ფიზიკური ანგარიშსწორებით  ცუდად გავხდი, შეშინდნენ, შემიყვანეს შენობაში და მთხოვდნენ დავწოლილიყავი, მთავაზობდნენ სასწრაფოს გამოძახებას.პრემიერს საზოგადოების შეცდომაში შეყვანა  არ გამოუვა. ეს ვიდეოკადრები ადასტურებს რომ ჩემზე ფიზიკური ძალადობა მოხდა.“

Pages