საქართველოს პარლამენტის ვიცე–სპიკერი, გიგი წერეთელი და ქვემო ქართლის გუბერნატორი, დავით კირკიტაძე ბოლნისის მუნიციპალიტეტის მოსახლეობას შეხვდა და მათ საქართველოს ხელისუფლების მიერ 2012 წელს დაგეგმილი სოციალური და ინფრასტრუქტურული პროექტები გააცნო.
ვითვალისწინებთ რა საზოგადოების ინტერესს საქართველოში პოლიტიკური პარტიების ფინანსურ გამჭვირვალობასთან დაკავშირებით, გვსურს გაცნობოთ, რომ ერთიანი ნაციონალური მოძრაობა მართავს შეხვედრებს ამომრჩევლებთან მთელი საქართველოს მასშტაბით, მათ შორის, შეხვედრები იმართება თბილისშიც, სადაც ერთიანი ნაციონალური მოძრაობის წარმომადგენლები ესაუბრებიან ამომრჩევლებს მიმდინარე რეფორმებთან და სამომავლო გეგმებთან დაკავშირებით.
დღეს პარლამენტის თავმჯდომარე, დავით ბაქრაძე აჭარაში ქედის მოსახლეობას შეხვდა და მათთან ერთად, ქვეყნის მასშტაბით, სოციალურ - ინფრასტრუქტურულ სექტორში მიმდინარე და დაგეგმილი პროექტები განიხილა.
მიმდინარე წლის 11 მაისს პარლამენტის ვიცე–სპიკერი გიგი წერეთელი ქობულეთის მუნიციპალიტეტის სოფელ ბობოყვათში მდებარე ტექსტილის საწარმო "აჭარა ტექსტილში" იმყოფებოდა. იგი იქ დასაქმებულ ადამიანებს შეხვდა და მათ სამუშაო პირობებს უშუალოდ გაეცნო.
